Charta qua Raimundus et uxor ejus dant monasterio Cluniacensi hereditatem suam in villa Longo Campo.
Divina pietate legumque auctoritate sancitum est, ut de terrenis rebus cęlestia adquirere debeamus. Quapropter ego Raimundus et uxor mea donamus Deo et sanctis apostolis ejus Petro et Paulo, ad locum Cluniacum, ubi donnus abba Maiolus preesse videtur, hereditatem nostram quę est sita in pago Lugdunensi, in agro Cosconiacensi, in villa Longo Campo; et terminatur a tribus partibus via publica, a certio via vicinabili. Infra istos terminos totum quod habemus donamus. Donamus etiam unum pratum quod vocatur Canalis. Qui autem hoc donum calumpniari presumpserit, non valeat vindicare quod repetit, sed coactus auream libram componat, et ipse iram Dei omnipotentis incurrat, et hęc carta firma et stabilis permaneat, stipulatione subnixa. S. Raimundi, qui fieri et firmare rogavit. S. Bernardi. S. Alberti. S. Bernaldi. S. Radulfi. S. Aymonis. S. Manasses. Balduinus scripsit. Data per manum Witoldi, die lunis, mense novembri, regnante rege Chonrado anno XII.